Laptop

இன்று எல்லார் மடியிலும் Laptop

என் மடியிலும் ஒன்று.

நிறை குறையக் குறைய Laptop

விலையும் கூடுமாமே!

விலை கூடக் கூட Laptop

வேலைப்பாடும் கூடுமாமே!

திறக்கத் திறக்க Laptop

தென்றல் தழுவுமாமே!

முகத்தை நிமிர்த்தினால் Laptop

முத்தம் கொடுக்குமாமே!

பழகப் பழக Laptop

பைத்தியம் பிடிக்குமாமே!

தொடத் தொட Laptop

தொல்லையும் கூடுமாமே!

நேரம் போகப் போக Laptop

நெஞ்சோடு சேருமாமே!

கையை வைத்தால் Laptop

கட்டி அணைக்குமாமே!

மெல்லத் தூக்கினால் Laptop

மேனி மணக்குமாமே!

சில நிமிடம் பிந்தினால் Laptop

செல்லமாய் முறைக்குமாமே!

விரல்களை ஓடவிட்டால் Laptop

விடுக்கெனக் கடிக்குமாமே!

கையை வைத்தால் Laptop

கட்டி அணைக்குமாமே!

அனுபவம் அறிய Laptop

அத்தனையும் செய்யுமாமே!

விழித்து எழுந்தால் விரலுக்குள் Laptop

குளிக்கப் போனால் கிணற்றடியில் Laptop

காலையில் வெளிக்கிட கையுக்குள் Laptop

சாப்பிட இருந்தால் மேசையில் Laptop

வேலைக்குப் போனால் நினைவில் Laptop

வழியில் வரும்போது செல்போனில் Laptop

வீட்டுக்கு வந்தால் வாசலில் Laptop

படுக்கப் போனால் பக்கத்தில் Laptop

நித்திரையிலும் இழுக்கும் இரக்கமில்லா Laptop

கனவினில் மறவாமல் வருவதும் Laptop

எல்லார் மடியிலும் எலெக்ரானிக் Laptop
என் மடியிலுள்ளது உயிருள்ள Laptop.