நீறு பூத்த நெருப்பு

நீறு பூத்த நெருப்பு

பாலைவனத்தின்
பகல் வெப்பத்தை
உணர்ந்ததுண்டா
பாடல்களில்
ஒப்பாரி மட்டுமே
பாடுவோரைக் கண்டதுண்டா?

ஆறோடும் அழகை
இரசித்திருப்பாய் நீ
குருதி ஓடிய ஆறைக்
கண்டிருப்பாயா?

சுதந்திரம் அற்றவர்க்கு
வாசல் கதவு எதற்கு?
செல்லுமிடம் அற்றவர்க்கு
சுதந்திரம் எதற்கு?

அன்று –
சுதந்திரம் கேட்டவனைக்
கொன்றவன் குற்றவாளி,
நாளை –
கொன்றவனைக் கொன்றவன்
குற்றவாளி!

இஸ்ரேலுக்கு மட்டுமே சொரியும்
ஐநாவின் விந்து – அதில்
இலங்கைக்கும் கொஞ்சம்
சுவறுவது முண்டு.

காடையர் அரசு
குதூகலிக்கிறது
கோத்தபாயாவின்
சால்வைத் தலைப்பில்
கைதுடைப்பாளாம் கிலாரி!

எரிகிற நாட்டில்
பிடுங்குகிறது இந்தியா – அது
இலங்கையில் செய்வது
வியாபாரம் அல்ல –
விபச்சாரம்!

மன்மோகன் சிங்க் – தன்
மூளையில் முளைக்கும்
முட்களை மறைக்கவா
மூடிக் கட்டுகிறார்?

வஞ்சகச் சிரிப்பை
மறைக்கலாமென்றா
தாடி வளர்க்கிறார் – இந்த
சிங்க் போலச்
சீக்கியர் எவரும்
சீர்கெட்டுப் போனதில்லை!

சீனாக்காரன் சங்கதி
தெரிந்த விஷயம்தானே!
தண்டவாளம் போடவந்தால்
திரும்பிப் போகமாட்டான்
தெருவைக் கட்டவந்தால்
தெருவையே வாங்கிவிடுவான்.

சீனாவில் வீட்டுக்கொரு எஞ்சினியர்
எங்களுக்கு வீடென்பதே கிடையாது!

புரிந்துகொள்,
பெற்றோல் இல்லாத
நாட்டின் சார்பில்
போர் தொடுக்காது அமெரிக்கா – எனவே
புட்டிசம் போடுவதில்
பயனில்லை நண்பா!

ஒட்டாவாவும் வாஷிங்டனும்
ஒன்றென்று அறிந்துகொள்
இஸ்ரேலின் கைப்பொம்மைகள்
இவைகளேன்று தெரிந்துகொள்!

ஒபாமாவின் நாக்கேன் கறுத்துப்போயிருக்கிறது
இஸ்ரேலியரின் பூட்சுகளை நக்குவதாயிருக்கலாம்.

ஆப்கானிஸ்தானில் குழந்தைகள்
அன்னையின் தாலாட்டுக்குப் பதில்
துப்பாக்கி வெடிகளைக் கேட்டே
தூங்கப் பழகிக்கொண்டார்கள்.